Хайванның сәламәтлеге - азыкның сыйфатлы булуында

2020 елның 5 июне, җомга

Азык әзерләү кысаларында республиканың район ветеринария лабораторияләре белгечләре, чимал протеин, коры матдә, чи клетчатка һәм алмаш энергия күләмен билгеләү өчен, алга таба лаборатор анализ ясау өчен, яшел масса сынауларын сайлап алалар.

Бу тикшеренүләр үләннәрнең сыйфатын бәяләү һәм терлек азыгы әзерләгәндә аларны чабу срокларын билгеләү өчен үткәрелә, чөнки үсемлекләрнең вегетация процессында аларның туклыклы кыйммәте үзгәрә: протеин кими һәм клетчатка арта, шуның нәтиҗәсендә терлек азыгының пешүе һәм энергетик кыйммәте кими.